Saturday, August 05, 2006

Viage a casa - dominica

In cammino a casa, io esseva multo contente de incontrar Yoichi Yamamoto, Rosalía Crespo Jiménes e ”Pepe” Polo in le bus de Vadstena a Mjölby. Yoichi debeva restar a un hotel in Mjölby, ma Rosalía, Pepe e io debeva prender trainos respectivemente a Stockholm e Copenhagen. Quando nos attendeva le trainos, io les vexava zelosemente con le camera e prendeva i.a. iste photos:



5 comments:

Morten Svendsen said...

Car Lars. Gratias pro iste excellente reportage del incontro de Vadstena! Io ha facite un ligamine in mi blog.

algus said...

Car Lars

Anque io ha depost longe tu blog como un ligamine a mi sito e anque io me gaude de vider tu imagines de Vadstena.
Il me sembla ben que si multe interlinguistas assembla pro interlingua e io spera que omnes participantes nunc monstra su
cognoscentia de interlingua in le rete.

Alf

Lars said...

Car Alf

Gratias pro tu commentario. Il me gaude que mi photos te gaudeva. :)

A proposito: Io videva in le blog de Péter, que le uso de sono e video sur un blog, te place. Ha tu notate, que il anque ha un video (con sono) sur mi blog, monstrante interlinguistas cantante in le Incontro Nordic?

Le video se trova in le entrata "Photos de sabbato vespere". In le prime imagine de iste entrata se trova un button in le angulo inferior sinistre (del imagine). Cliccante illo, le video va commenciar.

Le qualitate infortunatemente non es multo bon, nam io habeva adjustate le camera a usar le qualitar le plus basse, e 'Google-Video' lo ha reducite mesmo plus. Ma illo es totevia e visibile e audibile. :)

algus said...

Car Lars
Tu video es interessante e aperi nove vias pro interlingua,non solmente pro cantos enthusiastic ma anque pro imagines viventes p.ex. in mi sito.
Sed io non sape como facer e tu debe me instruer re le methodo.
Alf
PS Mi sito es nunc innovate

Lars said...

Car Alf

Gratias pro tu commentario.

Io vole con gaudio instruer te del methodo, que io ha empleate. Io ha 'fraudate' un poco (como illes dice in le programmas de cocina) :) e usate le servicio gratuite de Google Video (http://video.google.com).

Con iste servicio il es multo simplice cargar un video a su sito: On se connecte, preme 'Upload Video', selige le video ab su disco dur, scribe un nomine e un breve description del video, clicca un button, e voilá.

Quando le video ha essite cargite, on preme "embed video on your website or blog". Alora un parve fenestre appere con alcun lineas de codice de html. On copia iste lineas, e los inserta in su blog, e pois le video es visibile al blog.

Totevia, il ha alcun disavantages con iste methodo:

1) Pro usar iste servicio, on debe primo haber un adressa de gmail. (Le e-mail gratuite de Google.) E pro haber un tal, on debe esser invitate per un usator. Io pote facilemente inviar te un tal invitation, si tu vole?

2) Le qualitate de video es automaticamente bastantemente reducite. (Isto es anque un avantage, nam sin isto, le video plenerea troppo de spacio al blog.)

3) Non solmente le visitantes de su blog, ma anque personas qui frequenta le sito de Google Video, pote vider le video.

Anque altere simile servicios existe, p.ex. youtube.com. Con iste servicio, un conto de gmail non es necessari, ma le duo altere disavantages anque concerne iste sitos.

Il debe naturalmente anque esser possibile insertar un video manualmente sur un sito. (Post que on lo ha manualmente reducite, assi que illo non plena troppo.) Ma io ha absolutemente nulle idea de como facer isto. :-)

Ma, in omne caso, si tu vole usar le methodo de Google Video, e non jam ha un conto de gmail, io pote facilemente inviar te un, e pois instruer te in plus.

Lars