Saturday, August 05, 2006

Photos de sabbato vespere

(Pro vider plus detalios, aperi le photos in fenestras separate e aggrandi los. Pro acquirer alcun del photos in lor qualitate original, scribe un commentario in infra o invia un e-mail a ”rosenmeier (coclea) post.cybercity.dk”. Commentarios in plus es anque multo benvenite!)


Como il es le habitude, al ultime vespere del incontro il habeva un minifesta con recitationes de poesia, un joco de parolas e - naturalmente – un multitude de cantos.




Hic on canta ”Io in le carcere”, un canto traducite in interlingua per Hans Neerbek, le patre de Klaus e Hasse. (Le qualitate de video ha essite bastantemente reducite.)


Barbara Rubinstein recita poemas del poeta svedese, Tomas Tranströmer. (Hasse Neerbek anque recitava un poema del poeta danese, Johannes Jørgensen, ma io non poteva photographar lo, proque io functionava como su assistente. Infortunatemente io non succedeva a prender videos de ulle del recitationes.)


Mats Fredmark contava duo historias (un ver e un legenda urban), e Ingvar Stenström sequeva con un burla. (Le videos que io prendeva de isto es infortunatemente troppo obscur pro esser puclicate.)


Ami Hedberg, Yoichi Yamamoto e Holger Andersson.


Il es tarde, e solmente le ”nucleo dur” remane: Thomas Breinstrup, Åsmund Knutson, Hasse Neerbek e Mats Fredmark.


Hasse Neerbek e io terminava le vespere con un bira a un hotel vicin.

3 comments:

JSF said...

Ben io poteva vider iste vice le video :)

Anonymous said...

Re le pictura "Ami Hedberg, Yoichi Yamamoto e Lennart Åberg."
erratum : "Ami Hedberg, Yoichi Yamamoto e Holger Andersson."
Lennart Å

Lars said...

Ah, excusa me. Io lo ha immediatemente corrigite.