Friday, August 04, 2006

Incontro Nordic 2006: Photo de gruppo

In le septimana passate io attendeva le Incontro Nordic de interlingua in Vadstena, Svedia. Hic io va presentar alcun photos, que io prendeva durante le sojorno. Le qualitate del photos ha essite reducite assi que illos non plena troppo al blog. Si alicuno vole alcun del photos in lor qualitate original, simplemente scribe me al adressa: rosenmeier (coclea) post.cybercity.dk.

Que nos commencia con un photo de gruppo (pro vider plus detalios, aperi lo in un fenestra separate e aggrandi lo):



Sur le photo se vide, ab sinistre:

Fila posterior: (stante) Esko Kangas, Erik Enfors, Holger Andersson, Olavi Moilanen, Bengt Engdahl, Åsmund Knutson, Hasse Neerbek, Brita-Lisa Kiviaho, Bertil Palmquist, Maria del Rio Rioja, José ”Pepe” Rodriquez Polo, Gerd Gustafsson, Arne Pedersen, Rosalía Crespo Jiménez, Johan Wigforss, Kurt Gustafsson, Yoichi Yamamoto, Ami Hedberg e Anna Wigforss.

Fila medie (sedente sur bancos): Hans Aili, Ingvar Stenström, Bengt Engqvist, Karin Henja, Gunaino Engqvist, Barbara Rubinstein, Klavs Neerbek e (sur le terra) Mats Fredmark.

Fila anterior (sedente sur le terra): Thomas, Christina, Mathilde e Kathrine Breinstrup.

2 comments:

Francisco Forgiamonte said...

Car Lars,

gratias pro le photos e le film del Incontro Nordic. Mi sposa e io non pote venir a Vadstena proque mi sposa habeva problemas con su sanitate pro plus longe tempore e nos non pote estimar in anticipation quando illa esserea ancora san. Nunc illa lo es.
Mirante le photos nos nos rememora al Conferentia international a Åsa in 2005. Plure del participantes nos pote retrovar al photos de iste anno e habeva un sentimento un pauco melancholic. Forsan nos nos incontrara in un del conferentias o incontros futur.

Salutes cordial a te e al lectrices e lectores de tu blog,

Rosita e Franz (“Francisco Forgiamonte”)

Lars said...

Car Rosita e Franz

Gratias pro vostre commentario.

Io regretta, que le sanitate de Rosita non ha essite ben, ma il me gaude, que illa/tu es de novo san.

Io spera venir vos in le futuro, forsan in le conferentia le anno proxime? Si io sape in avantia, que vos veni, io va practicar un poco de germano ante viagar. :)

Io spera, que vos ambes sta ben.

Amicalmente
Lars