Sunday, August 20, 2006

Nove sensation zoologic

Io vive in un area assatis humide, e cata vice que il ha pluvite (lo que il face frequentemente), il ha sempre un multitude de cocleas e ranas sur le vias.

Le altere die, post haber bicyclate preter plure tal animales (e infortunatemente anque super alcun cocleas), io esseva presente a un phenomeno zoologic de interesse international: ante le porta del casa ubi io vive saltava lo que certo debe esser le plus parve rana del mundo.

Hastivemente io iva pro prender le camera e prendeva iste photos de illo:




Io intendeva placiar un casetta de flammiferos al latere del rana pro monstrar su grandor relative, me illo (le rana) non voleva cooperar e saltava via. Ma io vos da mi parola de honor, que illo vermente esseva parve - e que illo esseva un rana. (O forsan un bufon ... Esque il existe rubie ranas?)

Recipe mi excusas profunde pro iste guasto total de vostre tempore. ;)

2 comments:

algus said...

Lars
Quando io vide tu parve rana io memora que le juvenes in un gruppo sur le campania jocava con parve ranas como le tue.
Le joco esseva un partita con le ranas que poteva saltar le plus longe.
Io ha inserite tu imagine de rana sur mi sito como un ligamine a tu blog- ha tu alco de te opponer?
Alf

Lars said...

Car Alf

No, nihil del toto. Gratias pro le reclamo. :)

Lars