Monday, May 26, 2008

Quiz de citationes de films

Inspirate per le citationes de films in Panorama per Richard Sorfleet, hic es un parve quiz pro vos. Tote enunciationes dicite in le lingua del film ha essite traducite a interlingua. Si on pote divinar tote octo films, on gania ... ben nihil, infortunatemente (ultra le honor).

Quante pote vos divinar? Per favor, scribe vostre conjecturas in un commentario.

Ecce le citationes:

1. "No, IO es tu patre.

2. "Forsan il ha crema anti-rugas, ma il non ha crema "anti-bastardo-grasse"

3. "Io es un chauffeur excellente."

4. "Not yet, cameradas, not yet!"

5. " - Si mercede es demandate ...
- Nulle mercede va esser demandate.
- O date."

6. " - Tote vos es individual
- SI, TOTE NOS ES INDIVIDUAL"

7. "Io non plus pote esser inactive e permitter infiltration communista, introduction communista, subversion communista, e le conspiration international communista pro exhaurir nostre preciose fluidos corporal."

8. "Quando io esseva institutionalisate, mi cerebro esseva studiate comprehensivemente per le typos del 'sanitate mental'. Io esseva interrogate, io esseva radiographate, io esseva examinate profundemente. Alora, illes prendeva toto concernente me e lo poneva a in un computator ubi illes creava iste modello de mi mente. Si! Usante ille modello illes succedeva generar tote pensata que io poterea possibilemente pensar in le proxime, ben, 10 annos."

19 comments:

Anonymous said...

Donante le opportunitate anque al altere lectores, io demanda solmente le premio del numero 6: un de mi favoritos de tote le tempores - "Vita de Brian" - le film que era "tanto amusante que illo es prohibite in Norvegia ..."

Anonymous said...

Io non pote responder a UN SOLO!
Sed, io non es cinephile.

PS Iceland rocks.


Vendredi 30 mai.

Anonymous said...

Ben, le numero uno pote esser le Musca Espaniol, le Verme Nigre o un dozena de milles de altere films :-)

Laurentio said...

Nov-gordon: esque il te adjutarea leger mi adjuta hic?

Martein: Le Vita de Brian es correcte.

"Donante le opportunitate anque al altere lectores, io demanda solmente le premio del numero 6"

Es isto un euphemismo pro "io non sape plus responsas"? :P Si non, per favor dice los. Nemo altere pare poter. :)

Le premio pro numero 6 es iste photo nude de Amy Winehouse.

Anonymous said...

He, gratias pro le premio ... belle photo ... ma le concepto britannic de nuditate naturalmente es un poco insular ...

Si, on pote dicer que io non sape le responsa de totes. Io, il es ver, es un fan del films mute ... ma, vamos:

Le numero 2 ... comedia anglese, tu dice ... on naturalmente poterea expectar un tal logica del bocca de Rowan Atkinson.

Numero 4 - un responsa un poco maliciose - le plus famose film german del ultime annos ... "Le cadita" ... Hitler al Armea Rubie: "Not yet, cameradas, not yet". In ille dies Germania naturalmente era un pais continental, e il me sembla natural que ille, le lunatic furiose, parlava al russos in le anglese. Probabilemente illos non le comprendeva ...

Al altere latere: le plus famose film le plus famose de un pais europee naturalmente es illo del grecos: Zorba le grec.

Numero 8 ... on pote dicer que Terry Gilliam co-inscenava Le Vita de Brian ... in iste caso le responsa debe esser "Brazil." (Io non ha reguardate le film, ma on dice tote le tempore que io debe reguardar lo, e leger ille trilogia de cinque libros de Douglas Adams.)

Numero 5 ... Scotia, tu dice ... pote esser dicite durante un scena particular de un altere de mi favoritas: Trainspotting. Ma iste scena, si io non me erra, trova loco in London, in un camera de un hotel del capital, non in Scotia ... :-)

Numero 3: si, naturalmente ... io debe usar mi talentos autistic ... es Dustin Hofman a Tom Cruise in Rainman ...

Un demanda: Esque Vita de Brian vermente era controversial in altere paises que Norvegia?

Anonymous said...

Hm, il me sembla que mi responsa al numero 4 era plus maliciose que io intendeva ... on me dice que es le parolas ultime del capitano del film german "Le Barca" ... Mi excusas ...

E le numero 7 es le famose combination de Peter Sellers e Stanley Kubrick - Dr Strangelove.

E le numero 2 non es Rowan Atkinson ma Mark Addy in "Housut pois!", como dice le finneses ... Si, como io scribeva in le commentario anterior: le nuditate britannic es un poco insular ...

Como tu vide: ora io ha reguardate tote mi dvd-s a velocitate alte. Forsan io ha trovate 6 del 10 ...

Ron Williams said...

Alo,com sta. Io chiamato este Delano. Io no parlo Interlingua ma Io parlo lingua Romana. Tu avo un blog molto interessante. Io comprendo che tu scrivere. Ciao me amico.

Laurentio said...

Multo ben, Sr. Sveinsson! Io va perquirer le internet pro un melior photo nude de Amy Winehouse pro te. ;)

Il non es le ultime parolas del capitano del resto, ille los crita quando illes transversa le stricto de Gibraltar, post que illos se ha levate al superfacie post multe horas al fundo.

Nr. 5 ha loco in le dece-octe seculo, e 5 minutas post le quotation, un del parlantes ha essite sectionate per un multe grande spada!

Tu vermente non sape numero 1? (Illo esseva le sol que illes sapeva in interlng.) :)

A Delano: Multe gratias pro tu commentario. Il me gaude multo que un parlator de un altere lingua auxiliar neo-latin pote comprender mi blog.

Io non sape multo de Lingua Romana, ma io va informar me plus super illo. Ha il ulle blogs in iste lingua?

Anonymous said...

Hm, io debe meditar un poco super le numero cinque ... 18-ve seculo, grande spada ... un del multe filmatisationes del Viages de Gulliver?

Si, io legeva tu entrata in Interlng, e non includeva iste numero in mi responsa. Ma, il es ver, io debe admitter lo, io non sapeva le responsa ... Io tamen recentemente reguardava duo interessante films sci-fi: Aelita (Union Sovietic, 1924), e Un Viage a Marte (Danmark, 1918).

Laurentio said...

"18-ve seculo, grande spada ... un del multe filmatisationes del Viages de Gulliver?"

Hehe, non *tanto* grande.

Tu te rende? :)

"Io tamen recentemente reguardava duo interessante films sci-fi: Aelita (Union Sovietic, 1924), e Un Viage a Marte (Danmark, 1918)."

Aha... Ubi tu los videva? Archive.org pare ha alcun films silente ma non ille duo.

Tu ha vidite 2001 - un Odyssea Spatial, nonne? Si non, io es certe que illo te placerea multo.

Laurentio said...

Del resto, "Brazil" non es correcte. Le film de Gilliam que nos cerca ha un connection con simias!

Si, il pare que Life of Brian esseva bastante controversial, vide p.ex. lo que dice Wikipedia re isto.

Ma estraniemente nulle ambassadas esseva bombardate a causa de illo. ;)

Anonymous said...

Ah, le annos 70 e 80, quando nostre sol pavor era le guerra nuclear!

Io ha le impression que quasi tote films contine simierias e personas simiesc, ma io suspecta que Dece duo simias (1995) es le responsa a numero octe ...

Io ha reguardate le duo films mute sur DVD (io ama haber le films anque in forma tactile ... !). Le film sovietic io trovava accidentalmente in Nederland, durante de que film danese era commandate presso dfi.dk, qui ha un bel collection de films del (prime) Etate de Auro del cinema danese ...

Si, io ha reguardate 2001 un medie dozena de vices ... belle film ... como "contrapeso" io propone Solaris (le original sovietic de Tarkovskij, non le remake american). Esque tu lo ha reguardate?


(Non era "Gulliver"? Si, io pensa que io me rende ... :-)

Laurentio said...

Si, senior, Dece-duo simias il es!

Numero 5 es de Rob Roy - un multo bon film con jocar excellente de Liam Neeson e Tim Roth (como le villano extraordinaire Archibald Cunningham!).

Ben, alora nos ha coperite tote le films, io crede. Gratias pro tu participation. :)

Io non sape si io ha vidite Solaris. Es in illo que alcun cosmonautas es persequite per alcun cosa estranie trans le nave spatial - un grande bolla, o alco?

Un tal film ha io in tote caso vidite (in parte) ante multe annos - io crede que illo esseva russe. (E il habeva poc dialogo, alora illo te probabilemente placerea.) :)

Re le films silente del comenciamento del 20me seculo - tal films debe hodie esser libere de derectos de author, nonne? On deberea pensar que on poterea trovar los gratuitemente in le rete. Cognosce tu alcun bon sitos con vetule films libere?

Petro Ferrero de Hungaria said...

Io ha potite identificar solmente le prime citation: illo es del Star Wars.

Petro Ferrero de Hungaria said...

"Lingua romana" non es un lingua auxiliar secundo me, como Lars lo scribe, ma le lingua (le dialecto) de Roma. On pote vider eminentemente, que le scriptor del commentario scribeva in (un sorta del) italiano.

Petro Ferrero de Hungaria said...

*evidentemente, io voleva scriber

Laurentio said...

No, "lingua romana" es in effecto un lingua auxiliar, create per un Sr. Dan Tohatan.

Anonymous said...

Who knows where to download XRumer 5.0 Palladium?
Help, please. All recommend this program to effectively advertise on the Internet, this is the best program!

homes for sale costa rica said...

very good article. I would like to receive much more information about this topic