Thursday, May 08, 2008

Nove sitos in interlingua

Hic es alcun nove sitos de interlingua, que non mesmo Martein Sveinsson pare haber discoperite. ;)

Le sito de Lingox - de Finlandia - un senior con su proprie opiniones le quales ille non time divulgar. :P Le sito contine inter altere cosas un blog.

Le blog de Cryp - de Italia. Primarimente in italiano, ma con plure entratas in interlingua, o con summarios in interlingua.

Jam ha essite publicate alterubi le blog personal de

Daniel H. - de Anglaterra,

e le canal de Youtube de Hyperlingua - con un version in audio del Curso de Conversation per Harleigh Kyson Jr., narrate per un robot. Le autor del canal anque ha un sito re interlingua in germano, con un curso.

15 comments:

Martein Sveinsson said...

Excellente e multo interessante! Le blogosphera in interlingua ancora es viviente ... io va includer un ligamine a isto anque in mi blog.

Novlangue said...

Meget/mycket interessant. We must put you forward for the Sherlock Holmes prize for Internet detective work.

Bona fortuna!

cryptex said...

honorate :)

Laurentio said...

A singularly sound idea, my dear Novlanue!

Del resto, io non ancora mesme habeva legite le entrata de Lingox, ma ora io vide al sito de nostre amico norvegian, que ille ha sin vergonia furate mi observation re le parolas "herpete" e "herpes". The cheeky monkey!

Martein Sveinsson said...

Simias ubique ... forsan tu debe consultar Mads & Monopolet, e demandar si tu deberea contactar le corte de Stratsburg o mesmo lo de le Haga. Probabilemente tu vincera le camisetta ...! :-)

laurentio said...

Non te preoccupa - io jam ha ingagiate un Dream Team de advocatos e expecta ganiar jam in le prime instantia.

Le camisetta non basta - io non cede ante que ille es lobotomisate e inrollate in mi armea. ;)

PS. Perque tu cognosce Mads & Monopolet? Esque le radio norvegian es tanto enoiose que tu debe audir le danese? (Alora illo debe esser vermente enoiose.) :D

Io a pena audi radio, ultra quando mi eveliator sona, pro esser honeste. Ma quando le DR (le radio/tv statal danese) aperi lor archivo de diffusiones, forsan io debe vider si io pote trovar alcun granos de auro.

Tu ha forsan vidite que illes ha comenciate publicar lor archivo de programmas televisive - ma io crede que on debe haber un IP danese pro vider los. (O un bon proxy o vpn o como se dice...)

Martein Sveinsson said...

Si, io ha comprate un eveliator vibrante, del typo usate per le surdes, proque le radio non plus succede a eveliar me in le matinos.

No, le radio norvegian non es tanto mal, ma il es ver, io sovente ascolta programmas del radio danese & svedese. Me place i.a. le discussiones libere e franc del Mads & Monopolet - un tal programma in norvegiano tosto devenirea tediose e multo pedagogic. si, malgrado le longe historia commun, daneses e norvegianos non sempre ha le mesme vision del mundo ...

Ma le favorito "naturalmente" es Spørgehjørnet ... :-)

Laurentio said...

Heh, io anque non cognosce Spørgehjørnet...

Io es multo interessante in audir plus de tu eveliator vibrante. Io mesme poterea usar un tal.

Anque tu parolas re le vision del mundo del norvegianos e danesese me interessa. Como pensa tu que le 'anima del populos' de nostre duo paises differe? Io non ha jammais essite in Norvegia, ma io habeva le impression que nos esseva bastante proxime le unes al alteres, anque mentalmente.

(Al contrario io pote vider grandissime differentias inter le mentalitate danese e svedese. Ma isto es un altere historia, que io debe melio postponer a un altere die.) ;)

Martein Sveinsson said...

Si, io de facto pote recommandar un eveliator vibrante - es impossibile continuar a dormir quando le eveliator comencia a vibrar! Le apparato consiste de un horologio con schermo (como tote altere eveliatores electronic) e, attachate a un cablo, un cassa simile a un mina que on placia sub le matras. (Functiona perfectemente, ma probabilemente non pro le princessa sur le piso ...)

Mi impression del daneses es que vos es plus relaxate, plus tolerante e minus claudite que le norvegianos. Ma, naturalmente, es parve differentias, probabilemente non tanto grande como le differentias inter daneses e svedeses ;-)

Esque vos anque ha inviate un belle puera al Eurovision del Chanson?

Laurentio said...

Ben, io va certo check out le eveliatores vibrante. Pote tu recommendar un brand particular? (Como Novlangue forsan dicerea.)

Gratias pro tu impression positive del daneses. Nos non es multo solite a characteristicas tanto favorabile in iste dies. :)

Ha tu jammais mesme essite in Danmark, del resto?

Pro esser honeste io non sape si nos ha inviate un belle puera al concurso de eurovision. Io non mesmo sape si nos participa iste anno? Forsan le canto danese esseva tanto mal le ultime anno, que illes nos ha excludite?

Laurentio said...

Ah, io vide ora que hodie il ha le semifinal in le MGP - alora nos estraniemente non ha essite excludite. :P

Martein Sveinsson said...

Le mie es un Shake Awake Jumbo de Häger, fabricate per nostre vicinos le svedeses, e "testate e approbate per le Instituto Svedese del Invalidos" (!). Io lo comprava a Clas Ohlsson - io suppone que le svedeses ha exportate iste catena anque a Danmark ... :-) Era un poco expensive, ma al altere latere non es un ordinari eveliator del typo Mickey Mouse.

Le entrata norvegian se qualificava pro le final durante le prime semifinal (heri) - bon fortuna a le vostre! :-)

laurentio said...
This comment has been removed by a blog administrator.
Laurentio said...

"Not some Mickey Mouse alarm clock"? :-)

Gratias pro le info's, Martein.

Martein Sveinsson said...

Si, o como nos diceva, celante le euro dece annos retro: un valuta esperantista. (Hodie le euro naturalmente es plus forte que le dollars de Mickey Mouse ... )