Hodie (martedi) ante 350 annos esseva concludite le Pace de Roskilde, in le qual Danmark-Norvegia debeva ceder a Svedia le regiones de Scania, Halland, Blekinge, e Bornholm (de Danmark) e le feudos de Bohus e Trondheim (de Norvegia).
Trondheim e Bornholm rebellava e poteva plus tarde retornar a lor patrias. Ma le resto del regiones ha essite parte de Svedia usque hodie.
Danmark perdeva a iste occasion un tertio de su territorio.
In le annos sequente le autoritates svedese conduceva un stricte policia de “svedification” in le regiones conquirite, ma totevia il ancora pare que multe habitantes del vetule regiones danese senti un vinculo con Danmark.
Io invia hodie un pensata amical a Scania, Halland, e Blekinge, super toto naturalmente al multe interlinguistas qui habita ibi. :-)
Subscribe to:
Post Comments (Atom)
4 comments:
Danmarco debeva lancar un expeditio per reclamar su territorio e liberar Skaane!
Un idea interessante, que io (e mi armea de simias lobotomisate) ha considerate exequer, ma io ha decidite que il es plus sage attender alcun centos annos.
Norvegia al altere latere ... :)
Vos naturalmente son benvenite! Io ha sempre regrettate le fin del union Dano-Norvegian ... :-)
Gratias, io va immediatemente preparar mi simias. :D
Post a Comment