On dice que on pote judicar quanto sincer es un apologia, per notar si illo es succedite per un “ma”. Pro exemplo, un apologia como “Io regretta que io furava tu auto, ma il era anque tu proprie falta, proque tu lassava le clave in le ignition” non pare multo sincer, e a pena pote esser acceptate como un ver expression de repententia.
Le mesme regula es usabile pro judicar declarationes de condemnation de atrocitates, como le bombar del ambassada danese in Islamabad anteheri.
Como anque antea, post le homicidio del inscenator nederlandese T. van Gogh, e le planos de assassinar le designator K. Westergaard, on pote vider que multe condemnationes es in effecto succedite per un “ma”.
Pro exemplo ha un association jordanian, “Le currero nos uni”, publicate un declaration condemnante le “uso categoric de violentia in responsa de attaccos systematic a Islam e le propheta” “Ma le autoritates danese debe assumer le major parte del responsabilitate de lor fallimento de introducer regulationes discoragiante contra le medios danese, que provoca le sentimentos musulman.
Un editorial in le jornal Khaleej Times del Emirates Unite, anque condemna le bomba, “que ha nihil a facer con islam”. “Ma al mesme tempore il es un communication a paises como Danmark, que il es mal e directemente periculose attaccar le fide de alteres in le nomine del libertate”.
Le jornal pakistani “The Post” anque condemna le attentato, ma adde que “le Occidente debe comprender que le libertate de expression non permitte violar le sentimentos de milliones de personas. (Fonte: eb.dk.)
Al altere latere, anque condemnationes sin reservationes ha essite publicate, pro exemplo per le capite religiose influential al-Qaaradawi, un del originatores del protestos in 2006.
Anque le Societate Religiose Musulman danese scribe in lor sito web, que il es totalmente inacceptabile, e justificabile per nihil, que le ambassada esseva attaccate.
Octo personas esseva occidite in le attacco, que probabilemente esseva causate per furia del designos de Muhammed, particularmente illo depingente ille con un bomba in le turban.
5 comments:
Honestemente, quando le adherentes del religiones monotheistic finalmente terminara le uso del religiones pro justificar lor bombas e guerras ... ?
Ben, si non nos subito trova un grande monolitho orbitante Jupiter (!), o si non alcun scientista folle effunde alcun mixtura in le reservas de aqua que cambia profundemente nostre genes, io time que on non jammais lo facera, al minus non in nostre vitas.
Ma post maximalmente 200 annos, nostre civilisation currente probabilemente perira, e alora in le seculos sequente on debe limitar se a attaccar le un le altere con brancas, petras o forsan arco e flecha, si on senti que le religion de uno ha essite offendite.
Gradualmente le technologia se evolvera, e post 2000 annos nos arrivara de novo al bombas. E assi le circulo pote continuar indefinitemente, o usque a nos ha destruite le planeta.
Io regretta que mi responsa non esseva plus optimistic. :)
Del resto (e retornante al thema), ha tu vidite le designo in le jornal norvegian Adressa?
Vos debe facer attention que vos non subito deveni tanto odiate como le daneses. :)
Hmm. 'na philosophia mult pessimistic. Sed kanhaende no remoto del veritat.
Apart from that, vi vet kor du bor. (I Danmarg/Hamletania)
Hehe.
Post a Comment