Heri (le 26 de septembre) esseva le “die europee del linguas”. Iste dato esseva seligite in 2001 per le Consilio de Europa e le UE como le die annual pro “facer attender le publicitate del importantia de apprender linguas e diversificar le rango de linguas apprendite pro augmentar plurilingualismo e comprension intercultural; promover le ric diversitate linguistic e cultural del Europa; e incoragiar gente a apprender linguas in e foras del schola.”Le die pare haber essite ignorate per le medias danese. Ha ulle de vos audite de illo?
Le sito official del die es a trovar in le sito del Centro Europee pro le Linguas Moderne sub le Consilio de Europa.
Le sito ha versiones in – anglese e francese. :-)
1 comment:
Super le DIE europee de linguas io non ha audite, ma certo io sape, que 2001 era le ANNO europee de linguas. Alora io studiava linguistica e nostre directrice cathedral memorava re illo in alicun lection in 2001. Multo postea io ha legite super le activitates, actiones e pretenstiones de interlinguistas pro ille anno, re le qual io sapeva nihil in ille tempore, proque ben que io apprendeva linguistica applicate alora, cuje brachio es anque interlinguistica (le scientia explorante le linguas auxiliar), io non del toto cognosceva interlingua alora.
KOVÁCS Péter
Post a Comment