Il ha longemente esser cognoscite que aves usa dialectos differente, dependente de ubi illos vive. Recentemente un gruppo de fermeros anglese pare haber discoperite que le mesme es le caso con vaccas.Lloyd Green, representante del gruppo West Country Farmhouse Cheesemakers, ha dicite a Reuters que su vaccas certo mugi con un accento de Somerset. Plus concretemente le vaccas in le region mugi con un sono de “moo-arr” in loco del plus normal “moo”, que se usa plus al nord.
Le gruppo ha audite registrationes de vaccas de altere regiones e ha notate simile variationes in le moos de vaccas de Midlands, Essex, Norfolk e Lancashire.
Le fermeros credeva primo que le dialectos esseva causate per como parlava le possessores del vaccas, ma secundo linguistas que illes ha consultate, il es plus tosto un developpamento 'natural', causate per como mugi le altere vaccas in le grege, super toto le parentes.
Le nova esseva reportate per Reuters ante alcun septimanas. Pro plus informationes, vide p.ex. Orlando Sentinel (in anglese).
3 comments:
Oh, tu blog ha un nove aspecto!
Congratulationes!
Al thema vide anque mi articulo super lo que balenas parla differente linguas (anque de iste loco!
Gratias. Que pensa tu del combination del colores? :)
Io memora ben tu articulo. Forsan io debeva habite mentionate lo in le entrata. (Io pote eventualmente facer lo plus tarde.)
Interessante. Io ha le impression que le vaccas danese ha un aspecto un poco differente del vaccas norvegian. Forsan on pote supponer que le differentias inter le dialectos de nostre vaccas es plus grande que le differentias inter le danese e le norvegiano del humanos ... ?
Esque on sape como le vaccas reage quando illos audi dialectos estranier?
Post a Comment