Saturday, September 16, 2006

Vaccas, vaccas, vaccas ...

A proposito de vaccas hic es alcun plus photos prendite per mi matre, qui es un grande amator de vaccas:


“Nora” de “Brogaarden” - un ferma pro infantes. Illa non pare haber ulle ubere, ma mi matre assere totevia, que il es un vacca.



On non debe oblidar facer su exercitios gymnastic.



Chassante le cauda ...



Nora es infortunatemente le sol vacca al ferma, ma mi matre reporta que illa pare esser contente con le compania del cavallos e oves.



Alcun classic vaccas danese, del typo “multicolor rubie”.



Iste individuo besonia urgentemente un perruchero.



Despecto del manco grave que illo non es un vacca, iste cavallo anque ha trovate gratia del camera.


5 comments:

Petro Ferrero de Hungaria said...

Lo que nomina "typo multicolor rubie" es le plus usual typo anque in Hungaria.

Ma nos ha un special typo hungare, le szürkemarha, i.e. le bove gris, que era comportate ancora de un plus anterior loco de habitation del hungaros (le territorio inter le fluvios Volga e Kama o del steppas centro-asiatic...? Io non sape exactemente, ma illo es certemente un typo ancian, unic in Europa, characteristic plus tosto pro Asia de plus bon hora). Forsan io va presentar nostre unic species de animales typic hungare con photos in mi blog...? (Si io trova conveniente photos.)

falagatus said...

Salute
Il es agradabile de vider vaccas sur tu blog, anque io ha multe vaccas in mi ambiente ma io non ha prendite un photo con illos.
Tu visita sovente mi sito "alguseia" e io spera que tu ha placer de mi subjectos. Io vole con placer commenciar un dialogo con te re le usage de internet, sitos,blogs, imagines e sonos.
Io crede que le usage de internet es le unic via de offerer interlingua pro un plus grande multitude de usatores.
Io spera que tu responsa a iste invitation.

Alf

Laurentio said...

Gratias pro vostre commentarios.

A Péter: Io ha vidite le szürkemarha in 'Google Imagines'. Esque iste vacca es normal in Hungaria?

E es il normal que illos ha lor cornos intacte? Il debe dolor esser cornate per tal cornos!

A Alf: Io va con placer participar in un tal dialogo. A proposito, il es triste que il non pare haber ulle activitate in 'iablogs'. In omne caso io non ha recipite ulle mails per illo desde(?) plure septimanas (menses).

Del resto, ha tu recipite le mail que io te inviava ante ca. un septimana? Illo tractava justo de tu sitos.

falagatus said...

Car Lars

Excusa me le retardo.
Io ha date un experimento con plure sitos pro trovar plure visitatores.Mi pevie sito resta apud le nove sitos.Mi blogs es unite in mi sito algueia3.
Anque io vole con placer usar le iablog pro discussion re interlingua, regrettabilemente le interesse del altere interlinguistas es un poco limitate.
Io vole tosto aperir un problema.

Alf

Petro Ferrero de Hungaria said...

>>Io ha vidite le szürkemarha in 'Google Imagines'. Esque iste vacca es normal in Hungaria?<<

Como mentionate in mi commentario anterior, le plus sovente typo in Hungaria es lo que tu nomina "multicolor rubie". Le "szürkemarha" es un typo special hungare, ma isto non significa, que illo es le plus frequente sorta de boves.

Io pensa, que lor cornos es normal assi, intactemente. Ma io es secur, que iste animales es pacific e illos non usa lor cornos pro cornar, attaccar uno. Dunque: nulle timor a venir a Hungaria! :-)