Wednesday, March 15, 2006

Que es isto?


Si vos non jam ha audite del nove theoria del monstro de Loch Ness, pote vos, reguardante le photo, dicer que es illo? (Vide le responsa (probabile) in le commentarios.)

13 comments:

Petro Ferrero de Hungaria said...

Isto es un pausa inter le pecias glaciate del laco, nonne?

Lars said...

Eh... no. :) Io pote revelar, que le pictura esseva facite durante le estate. (In omne caso, il habeva nulle frigido.)

Petro Ferrero de Hungaria said...

Un pausa inter le spumas del alveo de banio...?

Lars said...

Anque non. Illo es un parte de un animal.

Martein Sveinsson said...

Le photo me sembla familiar. Es un del nove pinguines del marina britannic, nonne? In camouflage, naturalmente.

Lars said...

Hehe. Forsan un pinguin in camouflage credente que illo es Jesus e dunque marchante sur le aqua. ;-)

No, pro terminar le incertitude: Secundo un nove theoria per Neil Clark, paleontologo renominate del universitate de Glasgow, le monstro esseva in realitate - un *elephante*. Il pare que le rumores del monstro esseva initiate per un director de un circo, qui prommiteva un grande premio pro ille qui poteva capturar le monstro e dar lo a su circo. (Dunque le circo habeva un multitude de reclamo gratuide.) E photos como isto representava un de su elephantes baniante.

Ora que io ha audite le theoria, il me pare toto evidente, que le imagine representa le trompa (e summitate(?) de testa) de un elephante. E io es stupefacte, que io non antea poteva vider lo.

Ma il pare que le oculos vide lo que le cerebro ordina los a vider. E quanto on expacta vider un sauro, on non vide le elephante. (Pro si dicer.) :)

A proposito, un interlinguano ha facite un sito con simile imagines 'dupante': http://www.geocities.com/vidkova/

algus said...

Car Lars
Io crede que ille es un umbra de un aeroplano!
Gratias pro tu visita sur mi sito personal. Mi picturas es prendite in le hiberno e io vole, si le tempore concede, anque replenar con photos vernal. Mi sito es alcun annos ma io aspira a producer photos que es actual.
Tu ha scribite in interlng re discussiones in interlingua sur themas differente e io ha de post longe desirate que interlingua debe esser usate de tal modo.
Nos ha le possibilitate de usar blogs e naturalmente un gruppo como in Yahoo. Interlng es occupate de personas que ama de discuter solmente modo de expression lingual.
Con salutes amical
Alf

Lars said...

Car Alf

Gratias pro tu commentario. Il me gaude, que tu es de accordo con me quanto a debattos non-linguistic. Como tu pote vider in le lista, anque alteres ha le mesme opinion, alora sperabilemente nos pote trovar un solution.

Amicalmente
Lars

algus said...

Car Lars
Io ha legite interlng e ha observate le mesme problema como sovente- on initia un discussion re le problema sed nulla persona face un proba seriose pro un
solution active.
Un blog modeste es le plus simple cammino a un intercambio de pensatas.
Il ha un pensata intro le movimento de interlingua que
omne cosas debe esser organisate in listos etc.
Io crede que isto non es nesserari.
Io spera que tu initiativa deveni successose e continua con mi sito e blogs.
Amicalmente
Alf

Morten Svendsen said...

De accordo con Algus.

Concernente le elephante Nessie: un theoria multo interessante. Que sape nos? On forsan pote supponer que existe un multitude de historias simile. Esque Jesus vermente marchava sur le aqua? E esque Christophoro Columbo vermente attingeva America? O esque ille simplemente, al sud de India, abbordava un insula, cuje capital ancora se appella Colombo ...? Como differentiar inter le correcte e le false?

Jsf said...

Salute amicos iste Blog es multo interessante e equalmente iste theoria in particular.

Ben io differe de illos que pensa que es un elephante, nam realmente io tracta de vider le anatomia de un elephante con un trompa inclinate quasi perpendicularmente, et il es difficile pro un elephante in mi opinion facer isto essente sub le aqua e sin poter vider ni su capita ni sus aures, plus iste photo il sembla ser in medietate de un grande laco de aque multo frigide, assi io non crede que un elephante mammales de terra calide amarea facer un tal promenada in iste aquas.

Sed ben nihil es impossibile ;)
Salute

PD: in iste die io videva un theoria etiam super un altere creatura le "Pede Grande"

Lars said...

Car omnes

A Alf: il pare que tu prediction va forsan esser veritate, in re le discussion de debattos non-linguistic in interlng. Forsan le blogs es le futura de conversation in interlingua. Il me solmente pare triste, viste que le communication in blogs es plus complicate e lente. (Io pensa que le melio serea haber e blogs e active foros de discussion - ambes ha lor 'ration de esser'.)

A Morten: Tu vole dicer, que Jesus e Colombo anque esseva le producto de directores de circo? ;-)

A Jairo: Benvenite a mi blog. Il me gaude multo, que tu lo trova interessante. :-) Como esseva le theoria del "pede grande"?

Amicalmente
Lars

algus said...

Qui es JSF e qui es Jairo?
Il es interessante de saper le identitate de illes qui participa in le discussiones e qui scribe un interlingua precellente.
Hm- le tempore non es acceptabile sed como pote nos lo corrige?
Con salutes regrettabilemnte hibernal.
Alf