Thursday, May 28, 2009

Impressiones de Wolfram Alpha

Vos sape probabilemente de Wolfram Alpha- le nove motor de recerca de informationes que alicunos ha nominate un "assassino de Google" possibile.

On lo pone un question e illo lo interpreta per maniera quasi-intelligente e recerca le responsa in su bases enorme de datas.

Quando io audiva de iste motor meraviliose io subito memorava un multitude de questiones cuje responsas io non plus poteva carer. Ma infortunatemente il habeva certe barrieras de comprension inter me e le motor.

Le question "how much dna does homo sapiens have in common with chimpanzees?" dava le responsa "Wolfram|Alpha isn't sure what to do with your input."

Ben, iste question anque era un poco ambitiose.

"in what year was Mozart's first symphony composed?" dava le mesme resultato. Como anque faceva altere formulationes como "Mozart first symphony year", e mesmo "Mozart, first symphony".

Altere questiones tractava:

Geographia: "What is the second largest city in Denmark", "What is the second biggest city in Denmark", "Denmark city second highest population" (totes non comprendite)

(Ben, io es assatis certe que il es Århus.)

Zoologia: "Is a spider an insect?" Incoragiantemente WA sapeva le responsa (no). Ma non poteva adjutar me con "can a bumblebee fly?", "animals that can fly", "what animals can fly", o "what animals fly".

Alora io era sasite per le desiro de saper qual papilion es le major. Ma 10-15 formulationes differente dava le resultato usual.

Io anque probava le sapientia de Wolfram Alpha in le campos de

Astronomia: "how far away is the sun?" - "1.014 AU", "how hot is the sun" - "5780 K" (ma isto solmente es al superficie), "nearest/closest star" - a vices illo responde "le sol", a vices "Proxima Centauri".

Societate: "number one cause of death USA" non comprendite, "13th president of the USA" - non comprendite, ma (estraniemente) "thirteenth president of the USA" - "Millard Fillmore".

Evolution: "homo sapiens ancestors" - (dava le resultato "Wolfram|Alpha quo ad hoc, illiud Latine dici non potest."!),

Linguistica: where is French spoken?

Interlinguistica - le resultatos non era multo incoragiante pro le interlinguistas de IALA:

"What is interlingua" - ("number of native speakers: extinct, place of origin | France")

"What is esperanto" - ("total number of speakers: 2 million people, place of origin: France")

Tote linguas auxiliar veni de Francia? Io probava le hypothese:

"What is volapük?" - le responsa: "margined flyingfish (animal)"

Conclusion: In le futuro proxime io va continuar a cercar informationes per Google e en.Wikipedia. Ma con le tempore Wolfram Alpha pote devenir un supplemento utillissime, e Il va esser interessante sequer su evolution. Quando le computatores rebelle contra le humanos e prende le poter, forsan le instigator non va esser le robotes de Google, ma Wolfram Alpha?



5 comments:

Tonyo said...

(Comento en español: espero que lo comprendas; más abajo comento en esperanto)
Parece que han corregido los datos sobre el esperanto. Puedes ver mi comentario en mi blog, donde aparecían otras informaciones, aunque mantienen como lugar de nacimiento Francia. Si quieres que corrijan el dato de Interlingua, envía la corrección en "feed-back".

(Pardonu se vi ne komprenas la hispanan; mi diris ke ili parte korektis la artikolon pri Esperanto; vidu mian komenton en mia blogo; sendu la korekton pri Interlingua en la butono "feed-back")

Laurentio said...

Tonyo, io ha scribite un responsa a te in tu proprie blog. :-)

Toño said...

Hola, Laurentio.
La interlingua es muy fácil de entender para un español :-)
Recuerdo que una vez me encontré con un texto de un blog (creo que era Martein), lo leí y creí que era italiano. Sólo al final me di cuenta de que se trataba de otro idioma.

Koran saluton!

Burnt Niall Rasmussen said...

Naturalmente WA es patetico. Es brittanico, y los Brits suelen producer tecnologia sin un "testing" critico!

Try Bingle. It's great.

Are you out of your wheelchair yet?

Laurentio said...

Sr. Njall-Rasmussen, si, io ha essite foras de illo le ultime septimanas/un mense. Ma io spera que io non tosto va deber ir retro in illo - io ha habite alicun problemas con dolores in le cavilia in le ultime septimana, post que io faceva alicun exercitios durissime que mi physiotherapista (un juvene 'lad') me habeva date...

Gratias pro le demanda.