Cercante de musica in le (ora tristemente decedite) Windowsmedia-search, io trovava le sito Magnatune - un distributor de musica que, como dice lor slogan, non es maligne.
Isto se monstra per le facto que omne artistas del interprisa obtene 50 per cento del invenito del vendita de lor musica. In plus le clientes selige mesmo quanto pagar – de 5 a 18 $ (4 -14 Euros). Finalmente omne obras pote esser audite gratuitemente in le sito in un qualitate multo alto. (E salvate como MP3s, si on pote trovar los in le mappa de “Temporary Internet Files”.)
Le sito ha musica in un grande rango de generes, includente un grande section de musica classic. Si alicuno es interessate in tal musica, le sito anque ha multe obras medieval. Audi p.ex. le belle canta anglese “Alysoun”.
Subscribe to:
Post Comments (Atom)
1 comment:
Benque il ha multe de tal collectiones de podcasts o transmissiones interretiari thematic, iste Magnatude es vermente grandiose! Io ha probate alicun emissiones. Me multo place que se trova multe stationes con musica medieval, baroc (inclusive J. S. Bach e le tono "anti-stress" del viola da gamba), indian (inclusive le tono del sitar, lo que es equalmente "anti-stress"), musica del Oriente Proxime, etc.
Péter
Post a Comment