Wednesday, April 01, 2009

Til balde, amicos! - le chat de Skype deveni inter-auxlingual

In le plus que tres menses que io ha essite ligate a un chaise rolante, io ha passate mesmo plus tempore al computator que io soleva. Inter altere cosas io ha participate multo in le duo chats public de interlingua que existe in le rete. Le un es de chat de IRC, que io mentionava in le ultime articulo (#interlingua in le servitor Freenode - anque accessibile de www.interlingua.com/chat; moderate per Péter Kovács. Le chances de trovar co-chattantes es le melior le mercuridi e sabbato vespere).

Le altere es le chat de Skype, create per Josu Lavin - lege plus hic super como entrar lo. Ben que le lingua normalmente usate in le chat es interlingua de IALA, il es permittite scriber tamben in tote altere linguas existente. Le chat es dunque un bon loco pro interlinguistas qui vole haber lor horizontes allargate un poco. Inter le chattantes regular un trova assi Claudio Marcon, le sol remanente usator del lingua auxiliar Romanica - un lingua cuje vocabulario es identic con le de interlingua, ma con un grammatica plus natural/romanic.

Recentemente alicun idistas ha comenciate usar le chat tamben. In general le communication inter le interlinguistas/romanichista e le idistas ha passate sin grande problemas e ambe gruppos ha gaudite que illes pote comprender le altere lingua sin haber studiate lo.

Compare hic le vocabularios del duo linguas - como on vide, illos es quasi identic, e le differentia es plus tosto debite al grammatica - le de ido es multo structurate con multe affixos productive.

Anque alicun esperantistos visita a vices le chat, e anque le communication con illes ha essite sin major problemas, ben que le vocabulario de esperanto es plus distante de interlingua que le de ido.

In mi opinion il es multo positive vider iste parve passos verso 'fraternalisation' del varie linguas auxiliar, cuje adherentes a vices monstra tendentias a sectarismo e intolerantia del altere linguas. Un situation que es tanto plus deplorabile proque multe del linguas auxiliar es basate al mesme vocabulario international e es a un multo alte grado mutualmente intelligibile. (Como Alexander Gode mesme scribeva, linguas como interlingua de IALA, interlingua de Peano, interlingue, ido, etc. es vermente dialectos del mesme lingua.)

12 comments:

Laurentio said...

Isto non es un pisce de april, del resto!

Svenni said...

Fratecigxo de uzantoj de diversaj planlingvoj kompreneble estus tre pozitive. Interese. Kaj cxu vere ne estas (ankoraux) ia aprila blago? :-)

Laurentio said...

Jes, vere, mi jxuras! :)

Kion faris vin lastatempe? Oni preskaux neniam vidis vin rete.

Laurentio said...

"Kion faris vin"

Vi! VI!

Laurentio said...

Ora anque un belle juvene femina esperantista ha comenciate visitar le chat!

Secundo le novas le inferno ha gelate, porcos ha comenciate volar, e il ha ora duo jovedis in cata septimana!

Svenni said...

Kad un bel yunino esperantista en la paroleyo interlingual? Le cosas vermente progrede, io lo vide :-)

Jes, vi pravas. Lastatempe mi ne estis tre aktiva en la reto. Cetere, mi vizitis la landon de Kalevipoeg kaj la tombon de Kalev.

Vliegende zwijnen? In Denemarken? Si, il me placerea duo jovedis cata septimana, proque isto es le die del raspeballer. Sed serioze, pri kiuj eventoj vi parolas?

Del resto, cxu vi vidis la amason da novaj blogoj (ne blagoj) en ido dum la lastaj monatoj?

Anonymous said...

Isoveli valvoo.

Svenni said...

Isoveli valvoo? GranFratre ha devenite un inferno gelate con jovedis volante?

Un mense extra pro inscriber se al conferentia said...
This comment has been removed by a blog administrator.
Un mense extra pro inscriber se al conferentia said...

No, io non habeva notate ulle blogs in ido - que es le ligamines?

"Sed serioze, pri kiuj eventoj vi parolas?"

Ben, un juvene femina in un chat auxlingual! Isto es alique que solmente pote occurer quando le inferno ha gelate e porcos vola, nonne? (E le equivalente classic danese con le jovedis.) :-)

Que faceva tu in Estonia, ultra visitar tumbas mythologic?

Svenni said...

Videz ...!

Svenni said...

Que faceva io in Estonia? Simplemente, io gustava del hiberno livonian, mangiava le plattos medieval, bibeva lo que on pote biber, visitava le Universitate de Tartu, me promenava sur le plagia, viagiava per tram. Estonia es un pais mythologic, ma anque un pais multo moderne.